gazteak
haurrak 0-12 urte
Bilaketa Aurreratua

PRODUKTUAK > Liburuak

irudia

Izena: Gauez harrizko zubiaren azpian

Egilea: Leo Perutz

Itzultzailea: J.M. Olaizola Txiliku/ Joxe Mari Berasategi

Argitaletxea: Elkar

Azalpena:

Liburu berezia duzu esku artean: lehen begiratuan, istorio sorta bat dirudi, denak ere Pragan girotuak XVI. mendearen azken aldera. Bertan agertzen dira kaleko musikariak, diru-mailegatzaileak, alkimistak, errabinoak, gortesauak, bufoiak, enperadoreak, zaldunak, maitaleak… gizarte ñabar, koloretsu eta askotarikoa. Apurka, baina, ipuinen arteko loturak sumatzen ditugu, eta konturatuz goaz denen artean istorio osoago bat eratzen dutela, argumentu ondo lotua duen zinezko eleberri historiko bat. Fabulaziorako gaitasun paregabea erakusten dute narraziook, maisuki uztartzen dituztenak kondaira eta historia, umorea eta abentura, fantasia eta garaiko ohituren deskribapena. Duela lau mendeko Praga liluragarri bat agerrarazten digu egileak, giza arimaren ezagutza sakonez eta, aldi berean, XX. mendean betiko galdu zen Erdi Europako kultura juduaren nostalgiaz. Nobela aparta, orain, lau eskutara egindako itzulpen bikain honi esker euskaraz dasta dezakeguna.

Adina: Helduak

Urtea: 2019

ISBN: 978-84-9027-946-5

Prezioa: 21-30 €