kohetea

Euskarazko Produktuen Katalogoa

gazteak 12-16 urte
Bilaketa Aurreratua

PRODUKTUAK > Liburuak

irudia

Izena: Krokodilo txikia maitemindu da

Egilea: Daniela Kulot

Ilustratzailea: Daniela Kulot

Itzultzailea: Ainhoa Irazustabarrena

Argitaletxea: Pamiela / Kalandraka

Azalpena:

"Badira egun batzuk Krokodilo urduri dabilela. Batzuetan hotz da, beste batzuetan bero. Batzuetan, izugarri triste sentitzen da, beste batzuetan, mundu osoa besarkatu nahiko luke, pozaren pozez. Argi dago: Krokodilo maiteminduta dago…" Liburu hau Krokodilo eta Jirafa protagonista dituen bilduma bateko lehen alea da. Bi pertsonaia hauek elkarrekin maitemindu eta bikote bitxia osatzen dute. Itxuraz, beren bikote-harremana zaila izan liteke; izan ere, bada beraien artean desberdintasun nabarmen bat: altuera. Baina Krokodilok bere trebezia guztia erabiliko du Jirafaren arreta bereganatzeko. Hala, Krokodilok eginahal guztiak eginen ditu Jirafarekin topo egin eta haren interesa pizteko, eta ahalegin horretan umorez beteriko egoerak gertatuko dira. Halabeharrak, ordea, zapuztu eginen du maitasunaren txispa pizteko beharrezkoa den begirada eta irribarre-gurutzaketa hori. Liburu honetan sentimendu unibertsal bat agertzen da, eta hizkera xume eta hurbil baten bidez azaltzen da maitemintzean sortzen den sentsazio eta emozio uholdea. Halaber, aipatzekoa da gai horren trataera globala, eguneroko egoeretatik abiatuta. Arraza, kultura eta sinesmen desberdinen integrazioa bilatzen den gizarte honetan, non familia mota berriak gero eta ohikoagoak diren, lan honek funtsezko mezu bat plazaratzen du: ez da altuera, pisu, hizkuntza edo kultura kontua; maitasuna pizten denean, ez dago gaindi ezinezko oztoporik. Estetikaren aldetik, Daniela Kuloten estiloari xamurtasuna eta kolorea darie. Krokodilo eta Jirafaren bilduma beste ale hauek ere osatzen dute: "Krokodilo txikia, Jirafa altua eta neurri kontuak", “Krokodil und Giraffe: ein richtig echtes Liebespaar” –laster euskaraz− eta “Krokodil und Giraffe: eine ganz normale Familie”.

Adina: 05-09

Urtea: 2019

ISBN: 978-84-9172-114-7

Prezioa: 11-20 €